بلاطـــــو متكـــــون مـــــن تشكيلـــــة أكثـــــر مـــــن رائعـــــة لحلويـــــات العيـــــد وبالصــــور التوضيحيــــة

المقــــاديــــــر :
250 غ زبدة ( زبدة خاصة بالحلويات تتباع في مرجان على شكل مستطيلات الثمن 60 درهم للكيلو ) + كاس صغير زيت + كاس عنبة سنيدة + 1 بيضة + فاني + الدقيق حسب الخليط
ملاحضة : مفيهاش الخميرة
للتزيين حلويات العيد : سكر بودرة + مربى المشماش + لوز إفيلي + نباج + زبدة الكاوكاو + زنجلان + شعرية الشكلاط + مربى من أي نوع
الطـــــــريــــقـــــة :
* نخدم الزبدة والسنيدة وفاني ونضيف الزيت نخدموها ونضيفو البيضة
* نخدمها مزيان ونبدا نضيف الدقيق شوية بشوية غير تجمع مزيان نوقف ومندلكهاش
* العجينة ديال الزبدة كل ما دلكتها غادي تطلب الدقيق أكثر
* باقي المراحل مشروحة بالصور
ندهن أولا بأبيض البيض ثم نرش نصف القلب بالزنجلان
بالنسبة لهاد الشكل باش نقطع الدائرة لي فالوسط كنقطعها بالبواطة ديال دوليبران مغسولة مزيان قياسها نفس قياس الدائرة لي فالمرشم
وملاحضة بسيطة أنا كنقطع الوسط حتى تكون فالصينية باش منهزهاش وتخسر لي
ندخل الحلويات للفرن بعد اخراجها تزين كما في الصورها الشكل نرشه بالسكر الصقيل و نلصق واحدة مع الاخرى بالمربى
المربى كنعملها تسخن مع م ك سكر ونخليها تغلي وحد الشوية باش تتعلك وتبقا الحلوى لاصقة فبعضها
هذا الشكل ندهنه بالمربى ثن نمرره في اللوز ثم نلصق واحدة مع الاخرى
هذا الشكل يزين بزبدة الكاكاو : تباع في المحلات او ممكن تعويضها بنسلي كراميل
ندهن الجانب الاخر بالمربى و نرش بالفرمسيل
وهذه الصورة النهائية لبلاطو حلويات العيد
وبالصــحـــــة والـــــراحـــــة

إنشاء الله نكون فسرت لكوم مزيان ودعيو معايا شي دعوات الخير في هذه الأيام المباركة