السلام عليكم
أنا شعري بني غااامق وصبغته شحال من مره وما تتشدش ليا فيه الصباغة ومليت منو بغيت نبدل شويه جربت هاد الوصفة وعطات نتيجه زوينه وشعري بقى رطيطب ما نشفش نهائيا عندها نفس تأثير ديال الصباغة العادية
هاد الوصفة أمنة جدا ما فيها حتى خطوره فيها الزيت البلدية والصابون البلدي ما تيخليش الشعر ينشف كنت جربتها لصديقة ديالي وخرج لون شعرها غزال وقبل لعيد جربتها حتى انا وخرج ليا اللون زوين
عندي شروط باش تستعملو هاد الوصفة ماخاصكش تكوني عاملة الحناء أو صباغة سوداء أو صباغة الحنة السوداء حيت تيتحرق الشعر وتجيو تقولو ليا هاد الوصفة خصرات لينا شعرنا هههههه الله لا يقدر وما تضيفوش نهائيا لبودر ديال الأوكسجين
المهم ندوزو للمقادير :
كل وحدة على حساب طول شعرها انا شعري واصل تحت صدري حتاجيت ثلاث قنينات ماء أكسيجين 9 ديال 5دراهم
درهم صابون بلدي نستعمل نص لكثير + كاس ونص زيت زيتون ديال العنبة
ناخده الزيت البلدية والصابون البلدي نديروهم في كاسرونه فوق النار ونقصو عليه مزيااان ونخليو داك الصابون البلدي حتى يذوب مع التحريك مره مره
ملي يدوب نزولوه من فوق النار ونخليه حتى يبرد ونضيفو ماء الاكسجين ونخلطو كلشي
دبا ندوزو لطريقة صبغ الشعر
نفرقو الشعر على 4 كل جزء نشدوه بمقبط والقدام حتى لاخير حيت تيشد فيه اللون كثر
ملي صبغتو شعري لويتو وحزمتو ببوني بلاستيك وعاد درت فولار خليت الخلطه في شعري ساعتين عاد غسلتو
وكلما عاودتوها شعركم تيبقى يتفتح ويزعار هههه
إن شاء الله عواله نعمل عليهم ليميش ملي نولد iن شاء الله
دعيو معايا نتفك على خير راح مابقى لي والو بعد أيام فقط