السلام عليكم و رحمة الله و بركاته
اليوم بغيت نقدم ليكم هاد الكيش بالدجاج كيجي رائع بزاف أنا بعده كيعجبني و كل مرة باش كنديرو كنبقا نبدل الحشوة حسب المتوفر عندي و هاد المرة كان بالدجاج و الشومبينيون : فيها بصلة مشحرة مع شوية البورو والفلفة من بعد نضيفو الشومبينيون وطريفات الدجاج عاد نديرو العطرية شوية الملح الكامون تحميرة الكل حتى يتقلى مزيان وذوب البصلة وهاهي الحشوة واجدة
بالنسبة للعجين المرمل نعطيكم المقادير : 250غ فورص + 125 غ زبدة و شوية ملح نخلطوهم مزيان حتا يولي العجين مرمل و من بعد نزيدو بيضة كاملة و نجمعوه الا بان ليكم مزال ماتجمع زيدو قطيرات من الما غير متكثروش و من بعد كنلبسهم للقوالب وندخلوه يطيب نص طيبة وملي يخرج عمرهم بالحشوة كنخلط 4 بيضات و3 معالق كريم فريش و 3 معالق حليب و ملح ابزار و نكبهم فوق لي كيش وندير فرماج حسب الإختيار وندخلهم للفرن يطيبو.
↧
ميني كيش بالدجاج والكريم فريش من ألذ مايكون وساهل في التحضير
↧