هاد العصير بالبي كيجي بنين ومنعش بحال تاع الزنقة
المقــــاديــــــر :
2 برتقالات + حامضة + لتر ماء بارد + سنيدة حسب ذوق
الطريــــــقـــــة :
نقشرو البرتقال ونقطعوع طريفات صغار والحامضة نقطعوها طريفات صغار بقشورها ونزيدوا السكر حسب ذوق والماء ونطحنوا الكل في الخلاط الكهربائي ونصفوه في صفاية تكون واسعة شوية باش ينزل لينا شوية من القشور
* والصورة فيها ديال الحانوت على اليمين pulpy
* وديال الدار على اليسار متفرقوش بينهم لافصورة ولافي المذاق
جربوه ورد عليا الخبار منعش جدا
وبالصــحـــــة والـــــراحـــــة
↧
عصيــــر pulpy البالبــــي فــــي دارك بطريقــــة ساهلــــة وغيــــر مكلفــــة
↧