فحاجتنا لشبكة صفاية و زيف حياتي ولا زيف يكون تيدوز غير الماء
وعلبة فين ينزل لينا الماء ونصف لتر لبن ديال الحانوت أما الكارطون ولا ديال الساشي صافي هادو هما المقادير إيوا كيف جاوكوم ؟؟؟؟؟
دابا ندوزو للطريقة
تنشدو ديك اللبن تنديروه في الفريكو لمدة يومين حتى يجمد مزيان من بعد تنحلوه وهو جامد وتنديروه في زيف لي غادي يقطر لينا فيه و نسدو عليه بحال رزيمة
ونديروه في صفاية وتحت منها علبة باش يبات تيقطر في الصباح غادين تلقاوه طلق الماء شوفو الما لي صبح
وهو صباح مجموع جبن في الرزيمة ديالنا هههه ايوا نديروه دابا فطبيسل باش تشوفوه
ايوا كيف جاكوم الجبن ماشي ساهل
يلا بغيتوه كريمي تتخليو فيه شوية ديال الماء متقطروهش مزيان ويلا بغيتوه حتى يعقد ايوا يولي تقطعوه بالسكين معليكوم غير تخليوه يزيد يقطر
انا تنخليه شوية فازك يعني تنديرو مع 10 ديال الليل 10 ديال الصباح تنحيدو تلقاه كريمي يتدهن بحال الفروماج
وهاهو مع خبز التوست و كويس داتاي
يالاه بصحتكم وراحتكم ونتمنى هاد الطريقة تعجبكوم وتجربوها وننتظر آراءكم وتطبيقاتكم
في رعاية الله.