المقــــاديــــــر و الطـــــــريــــقـــــة :
العجين : دقيق القمح مع قليل من الدقيق العادى + ملعقة أو 2 من الزيت + ملح + شوية الخميرة + ماء دافى نخلط جميع العناصر حتى نحصل على عجينة متجانسة و لينة و نعمل كويرات و ناخد كرة من العجينة و نبسطها فوق سطح مرشوش بالدقيق و نبدا بالتشكيل تترك المخامر تختمر قليلا مع وضع منديل فوقها ناخد مقلاة معدنية ثقيلة و نضع فوقها الخبيزات و نحمرها من الجهتين هاهو واجد
حشوة الدجاج : نشرملو رابعة من قطع صدر الدجاج الصغيرة في 1 ملعقة كبيرة موطارد + ملح + بزار + سكنجبير +شوية زيت العود او الرومية + 2 معالق كبار ربيع مكرض ونخليوها جانبا ريثما نشلدوا 1 بصلة كبيرة او 2 بصلات صغار .
نعملوا البصلة في مقلاة تتشحر مع شوية الزيت +الملح + البزار + والربيع بالزايد ولما تطيح شوية نضيفوا ليها قطع الدجاج بالتشرميلة ديالو ونخليو الكل يطيب حتى يوكح ويولي لونه محمر شوية بحال الصورة
نزولوه من العافية حتى يبرد ثم نضيفوا ليه 1 راس صغيرة ديال الخس مكرضة صغيرة بحال الربيع وهادي طريقة دكية باش اللي ماكيحملش ياكلو يقدر ياكلو بلا ما يحس بيه ثم الزيتون اخضر بلا عظم مقطع دوائر +المايونيز 1 ملعقة كبيرة أو 2
نخلط الكل فنحصل على حشوة لديدة ونعمروا بيها البطبوط الكبير أو الصغير
حشوة الطون : غنحتاجوا ل1 او 2 الحكاك ديال الطون بالزيت ايزابيل….جولي….او لوكوس او فونتي..اللي بغيتي + 2 الخيزوات محكوكين رقاق + 1 راس خس صغيرة مكرضة بحال الربيع + نص حك الدرة صغير + شوية الزيتون اخضر بلا عظم مقطع دوائر + شوية الكاشير مكعبات صغار + 1بصلة صغيرة مشلدة مزيان ويمكن ليكم تستغناو عليها الى بغيتو + شوية الهريسة + 2 معالق كبار مايونيز
ثم نخلط الكل….ونعمروا بيه البطبوط الصغير
وها هما واجدين وكيشهيو ….يمكن ليك تبانينهم شي شوية بلا ما يسخنوا خصوصا بطبوط الطون وهاد الشي مني تبغي تقدميهم في وقت الفطور
وبالصــحـــــة والـــــراحـــــة
↧
بطبوط صغير معمر ب 2 أنواع من الحشوات بمكونات متواجدة في كل بيت
↧