السلام عليكم ورحمة الله وبركاته
إيوا درت شي حليوات وبغيت البنات يستفدو وانشاء الله يعجبوكم يارب .
الحلوة الاولى هي الصابلي اللذيذ
المكــونـــات :
رابعة زبدة + رابعة سنيدة + 2 بيضات + كاس عنبة معامرش زيت + خميرة وحدة واللي بغيتي للتنسيم انا درت الفاني
الطـــــريــقــــة :
الكل كيعرفها أنا قطعت بجوج مراشم دائري فاش طاب زينت بالشكلاط الابيض واللوز ايفيلي محمر ،والتاني على شكل قلب لصقت بالكنفتور ديال المشمش لونت بالاحمر.
الحلوة الثانية ديال الفرماج ساهلة ماهلة
المكــونـــات والطـــــريــقــــة :
رابعة زبدة + 4 فرماجات والدقيق حسب الخليط والسكر كلاصي للتفنيد
الحلوة الثالثة : ديال اللوز عقدة اللوز عادية زدت ليها صفر بيضة ومعلقة كبيرة كنفيتير المشمش ودوزتها في أبيض البيض واللوز ايفيلي ودخلتها الفرن 10 دقائق صافي.
الحلوة الرابعة الشهيرة ديال الكوك اللي مكتخطانيش
المكــونـــات :
رابعة زبدة + رابعة سنيدة + 4 بيضات + 2 خمارات + الدقيق حسب الخليط والكوك للتزيين هو كونفيتير
وهادي صورة جماعية لحلوياتي
وبالصــحـــــة والـــــراحـــــة
