لكل الأخوات لي عندهم تقصف الشعر وبغات تهنا من تشواك ديال شعرها تجرب هاد الوصفة الرائعة

أنا ليوم جبتلكم واحد لحاجة زوينة بزاف وجديدة لشعر لي هي لخيار
قسما بي الله والله شاهد على ماكنقول لما وصفة جربتها وعطتني نتيجة لي ماعمرني حصلت عليها من قبل
زاعما.
لوصفة هي كتالي :
درت مايونيز ديال دار : درت فيه بيضة كاملة بلدية + 2 معالق خل تفاح وبديت كانخدمها بزيت لبلدية فمولينكس طبعا حتى طلعتوا من بعد زادت عليه دانون مسوس وخيار وحدة حكيتها فهاديك لحكاك ديال مطيشا وزادثها على لخليط وخليته يتخلط مزيان عاد دارته لشعري بلحق يجي خاتر شوية ماشي سائل
و الله لقسم شعري مبقاش فيه تقصف و تهدن ليا من مورا مسيبتليه بروشينك ولبارح صباح واخا عرقت والله ماخسرحيت وليت كانشفطو ديما بخل تفاح
هادي هي تجربتي و الله لقسم مجربة من طرفي أنا إوا هذا مكان دعو معايا ربي يفكني على خير إنشاء الله
الله معاكم
صباحكم مبروك