مطيشة رخا لله دبا غير لي مبغاش يشري ويجمدها للرمضان ان شاء الله الرحمن الرحيم
هاد الطريقة في الحقيقة كنت نديرها في مطيشة الحك ونجمعها في بلاستيكة شريت 5 كيلو مطيشة وهي طيح عليا فكرة انني نعملها لعلها تصدق والحمدلله
هاشنو نحتاجو باش نجمدوها كييف بغينا
كتشدي مطيشة تحيدلها الزريعة وتقطعيها وتطيبها وطحنيها في مولينكس وكاين الي كيطحنها في الطحانة اليدوية غير هي مولينكس كتبقى بقشورها من الاحسن صفيوها بالصفاية ممكن ديريها في اي حاجة واسعة غير أنا كانت عندي كمية منفعتني غير الطاوة من بعد شديت غطيتها ببابي أو بلاستيكة كبيرة غطيوها مزيان ودخلوها الفريكو انا خداتلي وقت يومين باش تجمدت وعلى حسب كل واحد وكونجيلاطور ديالو كاين لي كيجمد بالزربة وكاين لي كياخد وقت المهم متين تجبديها قطعي بالموس يكون كبير كيف شفتو باش متفرتتلكش مطيشة راه كتقطع بالسهولة لا رجعيها تاني حتى تلج وخرجيها وقطيعها طراف كيف بغيتي كيف بالصور وهاهي واجدة لإستعملات
↧
فكرة رائعة وساهلة باش تحتافضي على مطيشة في المجمد لسيدنا رمضان لله يدخلو بالسلامة
↧