أنا اليوم غندير خليط من النعناع فليو ومانتة ونتي ليك الاختيار في أي عشبة
العشوب مغسولة ومنشفتهاش
(مكنشفهومش باش الما لكيكون مزال فيهوم كيساعدني فاش كنبغي نطحنهوم وكذلك كيساعد باش عملية التجميد تكون ناجحة )
بالنسبة لفليو حيدتلو السقان الغلاض
هاد السقان يمكليك تحتفظي بيهوم فالفريجو نهار تبغيهوم ربطيهوم بحال لكربطو الربيع فالكسكسو وديريهوم فالكوكوط فاش تسالي الطياب يكونو طلقو نسمتهوم دكساع بسهولة يمكليك تحيديهوم من طنجرة الطبخ نتاعك
مانتة عاد غرستها فالجردة مزال مكبرات فطعت غالريوس طريين
أما النعناع خديت غعرشات
وها هي صورة جماعية من بعد ما تنقاو
شديت العشوب وطحنتهوم فالماكنة
ها شكلهوم من بعد متطحنو
من بعد شديت القطعة الخاصة بالثلج وعمرت المرعات لفيها ودخلتها للمجمد ها هي من بعد ما تجمدات
حيدت العشوب من المكعبات وجمعتهوم فبلاستيكة
نتمنا طريقتي تعجبكوم تقبلو تحياتي
↧
فكرة رائعة وساهلة باش تحتافضي بأي عشبة على طول العام
↧