المروزيـــة بطريقـــة ساهلـــة لكـــل المبتدئـــات ولـــذة ماليهـــا مثيـــل

المروزية صراحة كتبغي العافيه مهييييييلة بحال الفاخر ولكن لا معندش تدري شي غير الحديدة ديال الطاجين وطيبي عليها تجيك مزيانة
المقــــاديــــر الطـــــريــقــــة :
* باش تجيك مزيانه عملي ياللحم ديال الرقبه يعني الملج اللي كيكون فيه المخاخ والعطريه ديال المرزيه راك عارفها كتباع مجموعة فيها الزعفران حر والقرفة وقاع قلة وبسيبسة والكوزة الصحراوية والسكنجبير والكمون المسوفي والخرقوم ومادريش الزعفران دالباكية + مليحه أكيد ومعلقة السمن والزبيب وشي جوج معالق عسل حر واللوز
و البصلة تكون متوسطة والثوم القزبور والمعدنوس
وشي نص كاس زيت العود لا مكانتش ريحتها مجهده ولا فيها الريحة عملي زيت المائدة
* قلي اللحيمات مع العطرية في الزيت مزيااااان عاد ديري البصلة مقطعه رقيقة مشلضة والثوم غير بالموس
* وخلي يتشحر مزيان حتى تحمر ديك البصلة عاد مرقيه متكتريش الماء غير القياس
ومتسديش عليه الكوكوط والعافيه ماتكون مجهده بزاف
* وتخليه يطيب وقتها تكوني رطبتي الزبيب فالماء أما اللوز كاين اللي يبغي يقليه كاين اللي بغي يطيبو مع الزبيب أنتي واللي بغيتي
* ملي يطيب اللحم ديري الزبيب واللوز لابغتي والعسل لاكان حر مجود مكانش دري غير العادي وحتى هو حسب الرغبة
* نتمنى مانكون نسيت شي حاجة
انا هكا كنصاوبها فداري
ملاحضة : يجب الطبخ في طنجرة واسعة عوض طنجرة الضغط.

ونقدموها مع الفريت بالصــحـــــة والـــــراحـــــة