اليوم ان شاء الله غادي نزل طريقة كيفاش تصايبي بودرة الكروفيت الغنية بالنكهات والمفيدة في نفس الوقت ولي يمكن تحتافظي بها وتبقى مدة طويلة والاستعمالات ديالها كنديرها فقاص مالح فشوربة الحوت وفالصوبة وفلينيم بالحوت وبسطيلة دالحوت ممكن كاع ميكون الكروفيت وتنسمي بيه فحال يلا دايراه
نبداو على بركة الله
كتاخدو قشور الكروفيت غسلتهوم مزيان وسقطرتهم ودخلتهم للفران على عافية متوسطة مرة مرة نحركهم حتى يوليو مقرمشين ونبدا نطحن
ملي بديت نطحن متطحنش مزيان حيت بردو ماشي مشكل عاود دخلتهم للفران حتى تقرمشو وطحنتهم باقيين سخونين شوية
غربلتهم
زدت معلقة كبيرة ملحة وهاهما واجدين
أنا كنت كنخليهم برا لفريكو 20 يوم من بعد كندخلهوم لفريكو دبا وليت كنطحنهم نديرهم فبلاستيكة ونيشان لفريكو حتى لوقت الحاجة.
↧
بودرة الكروفيت بلا متبقاي تشريها جبت ليك كيف تصاويها في الدار بأسهل الطرق
↧