الحمد لله الان سهل علينا الله الامور او صبحت عندنا بزاف ديال الالات الالكترونية ومن ضمنها مكينة صابون فلهذا لازم نعرفوا ان بعض الاشياء كتخرج على المطور او المحرك ديالها او مكتبقاش تصلح او بعض الاشياء يمكن لك تقومي بها بوحدك باش تصلحيها
من الاشياء لي كتخرج على مكينة الصابون هو الضوء الى كان قليل لازم تنتابهي لهاد النقطة قبل متشريها او كذلك الماء الى كان قليل احنا عندنا في المغرب فصباح كيكون الماء قليل لانه كلشي كيستعملوا او الماكينة مكيوصلش ليها الماء الكافي خصوصا الى كانت الفوق او في السطح هاداكشي علاش من الاحسن اننا نصبنو فيها فالعشية من السبعة لفوق
اما الى مكانتش كتعصر مزيان او كتخرج لحوايج فازكين هنا كتكون شي تقشيرة دازت لتيو معليك غير تحلي ديك لباب صغيرة لي على يديك ليمن فلتحت ديال الماكينة دفعيها غير بشوية او دوري واجد البوشون ردي البال غادي يتسرب ليك الماء ماشي مشكل او غادي تجري هاديك صفيحة غاديا تلقاي صدايف اولا فلوي اولا شيحاجة صغيرة بحال مشوار او تقاشر لي خنقات الماكينة او عاود تردي كلشي كيف كان او تشعلي علها
نصيحة قبل منكمل قبل متحطي يديك على اي حاجة بغيتي تصلحيها حيدي لبريز ديال الضوء لابد لتفادي الخطر
اما لبريزات ديال الضوء لي فالماكنة ما تقصهمش الله يجازيكم بخير………………
نكمل داكشي لي بديت الى كانت المكينة كدير صداع منين كتكون كتعصر وكأن القيامة قايمة هنا هاداك الطنبور او البرميل ديال لينوكس لي لداخل لي كديرفيه لحوايج كيكون راسي بواحد الرسلات من داخل بعد المرات واحد من دوك الرسلات كيتفك اوكيبقا يتزدح مع الماكينة او باش تأكدي خاصك تفتحي المكينة من الفوق غديا تلقاي شي مسمرات فجناب حليهم او عنداك تلفيهم هههههههههه اوديري طلة على الروسلات واش تابتين اولا لا او ساهل باش ترجعيهم لبلاصتهم
احنا هنا كنقوموا بالعلاج الاولي والى متوصلناش كنعيطو لطبيب هههه
الكالكير هو العدو لكبير ديال الماكينات خصوصا ديال الضوء انا كنستعمل واحد الحل بسيط جدا او فمتناول الجميع كتجبريه فكل بيت لي هو الخل الابيض
الخل الابيض المنافع ديالو كثيرة ديري كاس كبير خصوصا الى كانوا لحوايج بيضين ماشي دايما غير مرة مرة
انا كنت سمعت فالتلفاز ان المكينة لي فيها الكالكير باش يتحيد ديري كاس كبير ديال الخل الابيض فالماكنة او تشغليها او هي خاوية من الملابس انا مجربتهاش ولكن سمعتها
نكملوا النصائح
لحوايج لي كيخنزوا فالماكينة
زوج حوايج هما لي كيخنزو لحوايج
الاولى مخصهمش يباتوا فالماكنة
الى مقدرتيش تنشرهم ديك الساعة خرجيهم من الماكنة على الاقل
الثانية هو التيد الى كان كثير
بزاف ديال الناس كيحساب ليهم الى كثروا التيد اريال او اي نوع راه غادي يخرجوا لحوايج احسن بالعكس التيد فيه مواد كتخرج على الملابس او على الالوان داكشي علاش مخصناش نتعداوا القدر المطلوب لي مكتوب على لبواطة
اولازم كيف كلكم عارفين الالوان المغلوقة متخلطش مع الالوان المفتوحة
اما الابيض كلكم راكم عارفين خاصو يكون بوحدو
قبل ما نبداوا نتكلمو على الملبس نسيت واحد الاضافة او هي رجلين الماكينة
الارضية لي كنحطوا عليها الماكينة بعد المرات كتكون مايلة او شي زليجة كتكون مهرسة او منين كنحطوها عوجة كنخرجوا على المكينة خاصنا نكلسوها بحال لعروسة هههههههههه
لذلك داروا بحساب هادشي اوداروا ليها الرجلين كيتزادوا او كيتنقصوا انتي مثلا تقدري تزيدي فالجهة لي مايلة
اضافة اخرى التسياق او الماء الى وصل للماكنة كيرشيها من تحت او كتبدا تتفرتت او كتصدي حتى الرشان ديال الماء كيصديها الى كانت فالمطبخ اولا فالدوش
باش تحافضي عليها كاين واحد لغشا لي كيحميها او متكونش تحتها طبلة عندها روايد لان مع التعصار كتبقا تحرك.
نتمنى نكون فدتكم شي دعوة الخير من عندكم.