أول حاجة هي الغسيل بصابونة ديال الورد الأصلية لي فقلعة مڭونة ماشي هادي لي كتباع هنايا زعما سعدت لي ساكنين تاما ولي عندها الفاميلا تاما تكوموندي عليها
وحتى لي عندهم الكلف ديال شيرلي هي كتصفي لوجه من كلشي غسلو بيها يوميا نجيو الماسك هد الماسك ستعمليه يوميا مدة 15 دقيقة
وهو عبارة عن : ملعقة دانون مسوس + ملعقة خميرة ديال الحلوى آلزا + ملعقة حليب نيدو + ملعقة نشا + ملعقة عسل حر
تخلطيهم وديريهم لوجهك ملي ينشف بقاي تفركي وجهك مزيان عاد غسلي بصابونة ديال الورد ونشفيه ودهنيه بما ورد
هد الطريقة 2 أسابيع وغتشوفي الكلف خفاف
كنتمنى تجربوها أنا نصحت بيها ڭاع بنات العائلة لي فيهم الكلف
إيوا مانستاهلش شي دعيوة منكم.
↧
عندك كلف الحبالة عامل ليك مشكلة أجي جربي هاد الوصفة لي غادي تبهرك إنشاء الله
↧