بعض المرات مكيكونش عندكم الفرماج وكيبغيو شي حاجة تعوضو لكن هي ضروري خاصها تطيب حيت فيها البيض نتمنى تجربوها وتعجبكم
أول شئ خذيت بصلة كبيرة مشلظة وشحرتها في شوية الزيت والملح والبزار وخليتها تبرد باش السخونية متخسرش البيض
بعدما بردت خويتها في الخلاط وزدت عليها 2 بيضات + 4 فرماجات + 3 معالق زيت العود + 3 معالق حليب + شوية الملح شوية البزار، طحنت مزيان وها الصلصة واجدة ويمكن لينا نكبوها في الحين فوق البيتزا وندخلوها للفران.
↧
صلصلة أكثر من رائعة ممكن تعوضي بيها الفرماج أحمر إلا مكانش متواجد عندك في الدار
↧