كتعاني من القبط ومشكل إنتفاخ البطن دوخلي ستافدي وفيدي بها أي وحدة عندها هاذ المشكل

السلام عليكم و رحمة الله و بركاته
اليوم موضوعي للي تيعانيو من مشكل القبط و إنتفاخ البطن و اللي تيشكل فعلا مشكل ليهم
و حتى البنات لي تيعانيو من النحافة غادي تنفعهم هاد الوصفة بحال تقيوتات هههه
مفيها لا مكونات لا والو
غادي تمشي عند أقرب محل تيبيع هدشي ديال التمر و المكسرات … الخ
و قوليه يعطيك الشريحة مطحونة أولا مدقوقة
راه كاين أشكال متعددة
و الثمن تيتراوح ما بين 20 تال 30 درهم لا غلا على مسكين
كاين لي غتلقايها ندقوقة مع اللوز و كاوكاو و التمر و باقي المكسرات تا هي زوينة و بنيينة
و كاين اللي غتلقايها غير شريحة بوحدها تا هي مذاقها يمممممم يممممم
أنا أخر مرة خديت بلاستيكة فيها كيلو شريحة ب 20 درهم
هدا شكلها ( ربع الكمية تقريبا )
و هنا الكمية لي حاولت ندقها و نفككها باش تجي ساهلة فالماكلة
انتي بقاي فينما تفكرتي كوليها اصلا مداقها بنين و حلوو و غادي تلاحظي الفرق من اليوم الاول ان شاء الله .