سلام على العريوسات ديالنا الله يكمل عليكم بالخير
بغيت نعاونكم بالمعلومات البسيطة اللي عندي
ونقلكم شي خصكم تشريو …………..
موالط اللي عتعملو فيه حوايجكم
ماكياج´{سومبرات جميع الالوان + ريسيل + العكاكار + الكحول + قلم العين جميع الالوان + مزيل الهالات + بنطورات + كريم أساس }
مزيل ماكياج + بولصة مزيونة + مزيل بنطورة + القطن + مشاطي + سيشوار ………
العطور + أدوات إستعمال مكياج … مرايا + مرطب الشفتين
بولصة د الحمام {شامبوان + خيل + الحليب + محكة + كوتشيات د الحسانة + مزيل العرق + عواد الودنين + مقص د الضفرين+ سبيو ومعجون أسنان + لخيط دسنان + الما د تشليل + صابون د……… + سلفا سليب + كومبريصا + مناديل معطرة¨}
{قناع الخيار + ماسكارا شفافة + طقم الاظافر + بلسم + ضماضات للوجه والعنق + صابون يزيل خلايا الجلد الميتة + قفاز لتدليك الجسم + بودرة القدمين + طالك للجسم +….}
كريمة د اليدين + كريمة د الشمس + كريمة دالليل + سيروم د الشعر + العدسات……….
أكسسوارات¨{مناكش جميع الالوان + سناسل + خواتم + خلخال درجل + خلايل + كوليطات + زرارف + جويهرات كيلسقو فاللحم + صماطي }
شيلان وسباني ولخلايل ديالم + صيكان وصبابط صنادل + بوطات + بلاغي + شناكل+ بنطوفلات + تقاشر + الملابس الداخلية جميع الالوان + سليبات عاديين نلبسم فالدورة الشهرية + سبيدوس + ميدياس + طوبات
سراول و بوديات + فلاضي + كساوي + طراخيات + سناضل + بيجامات + فوط + صبانات + روب الحمام + بنطوفا د الحمام + منديل شاوني + باطات…..
الحنة + الغاسول + الماء ورد + ساك الحمام + سطيلة و الغراف ديالم منحسين تقليديين + فراشة د الحمام …………..
تكاشط + قفاطن + جلالب + لباس الصلاة + القران + السجادات + العود و الند + سيدي د الامداح +
كتب{ فتاوى النساء + اسعد امرأة فالعالم + الحياة الزوجية + تربية الاولاد في الاسلام + الطبخ ´´رشيدة امهاوش´´ الشيف رمزي´´}
و الحاجات اللي خصكم تديوها نعش الزوجية
عندكم تمشيو يديكم خاوين
مانطيل و سرابط ديالم + كورشا د العروسة + صبانات + فراشات دسواني + كروشيات تعملهم فوق الاثاث …………
والحاجات اللي تقدرو تشروها مع العروس
براد + كيسان د اتاي + سواني + سوبيرا د الحريرة + وطيسان ديالا + فناجين دالقهوة و الابريق ديالم +
كيسان + طباسل ………………….
والعروسات اللي مسافرين نلبرا يزيدو يشرو هاد الشي إذا كان ممكن
كصعة دكسكس و مقلا درغايف وسمن بلدية و بصل بلدي و ليقاما والحلوى مغربية مش مني يجيو الناس عندك تماك نزلالم و شباكية و تمر و اللذي منو……وليمون مرقد و زيتون بالشرميلة وسميدة و الطحين و كسكس و زعفران حر وصلصة د عيشة و الطاجين سلاوي و الطاجين عادي و طويجنات سغارين و……………………..
وعندك تنساو ماتشرو هدية للزوج تعطيها لو ليلة الدخلة
و هدايا نعايلته فالصباح وحتى ودا فمدينتكم معندكم قاعدة عملوها لان الرسول صلى الله عليه وسلم قال: تهادوا تحابوا ……..
مش يفرحو أنك تفكرتيهم و عملو فبالكم أنهم هم اللي ولدوا و رباو و عاشو مع حبيب القلب……..
كنتمنا نكون فيدتكم ادا تفكرت شي حاجة نقوللكم
و مبارك مسعود عليكم الله يكملكم بالخير
وهاد شي ماشي مهم قد المهم السعادة والقناعة و الرضى و راحة البال و التيسير مور العرس
أما لعرس غير نهار ويمشي