المقــــاديــــــر والطريــــــقـــــة :
2 كلغ زنجلان محمر + 1 كلغ لوز مصلوق و مقشر و مقلي + 1 كلغ كاوكاو بلا قشر محمر + 250 غ نافع و حبة حلاوة محمرين + 4 كيلو دقيق فورص ممتاز محمر +
الحمد لله هاد العام تهنيت من الطحين، خديت اللوز و الزنجلان و الكاوكاو و طحنتهم عند مول الهري في الماكينة الخاصة للطحين
السر الاول للبنة هو عطور التنسيم : 50غ بديان + 50غ الهيل أو قاعقلة (كناخدو غير الزريعة لي في الداخل) + 20 درهم مسكة الحرة + القرفة.
كنديهم لمول لهري هوما و النافع و حبة حلاوة و كيدوزهم ليا في ماكينة القهوة كيجيو منييلين
السر التاني للبنه هو الشكلاط غبرة، كاوبيل أولا نسكويك درت تقريبا 200 غ نسكويك خلطتو حتى أخير
بالنسبة للدهن و التحلية : درت الزبدة البلدية محيد منها الحليب + 800 غ عسل الزمزامي + السكر كلاصي حسب الدوق
