محتارة ومعرفتي ماديري للغداء جربي هاد الأكلة بنينة بزاف وإنشاء الله غادي تعجبك

كنشحرو البصلة مزيان مع زيت والملحة كنزيدو تومة ومطيشة مقطعة طراف والعطرية تحميرة وخرقوم وسكنجبير والبزار والربيع والزيتون خضر مقطع كنخليها طيب شوية ونزيد كاس كبير ديال الماء وطريفات ديال الحوت محيد لها شوك وملاحسن اتقطع
بحال ديال القطبان والزبيب ملي تغلى مزيان ندخلها لفران سخون تقريباً 15d أو حتى تبدا تنشف نطفو عليها ونخلوه شوية وسط الفران وكانقدموه سخون
لبطاطا كانقيها ونقطعها ونديرها فزلفة غارقة ونسخن شوية زيت عادية مع ضريس ديال توم ونكبها على البطاطا ونحركها مزيان باش تغطى بزيت ونستفها فلاطا وندخلهة الفران مع الحوت دغية كطيب
السلطة كندير مطيشة وفلفلة والخس وممكن البصلة مقطعين والخيار مقطع أو محكوك كندرهم فبواطة ونزيد عليها شوية ملح وبزار وزيت بلدية وشوي الخل نغطيها ونمخضها مزيان كتجي بنينة
و العصير كنديرو مندلين مقشر تقريباً2kg ومعاهم حامضة مقطعة ومنقية من العلف و1لتر ماء نطيبو فالكوكوت ونخليه يبرد ونزيد سنيدة حسب الدوق وكانطحنوه ونصفيو. ونزيدو عليه 1 لتر ما ونحطة في الثلاجة ملي كايبات كيجي أحسن
وها لغداء ديالنا وجد كنتمنى اعجابكم راه ساهل ماهل