باش بلا ما تخرجي لسوق كل مرة جبت ليكم هاد الطريقة لحفظ الخضروات مدة أطول في الثلاجة

السلام عليكم إليك سيدتي طريقة حفظ الخضروات مدة أطول في الثلاجة بلا ما تخرجي لسوق كل مرة بهاد الطريقة كتصبر الخضرة مدة أطول وتبقى بحال إلا عاد شرتيها.

خوذي الخضرة خيزو، اللفت، الفلفلة حارة وحلوة، الكرعة الخضرة ومسحيهم مزيان من التراب وقطرات الماء ولفي كل حاجة فسربيتة مزيان وديرها فميكة وسديها مزيان بهاد الشكل الخضرة مين كتندا في الثلاجة السربيتة كتشرب داك الندى ومكيوليش على الخضرة.
ويلا شفتي السربيتة تندات بزاف بدليها، أنا كتبقالي حتى 15 يوم ناشفة
وجميع الخضر ديري لهم نفس الطريقة
وهاد الخيزوة هادي 23 يوم وهي عندي باقيا قاسحة و طرية
متنساونيش بالدعاء