غادي نحتاج بطاطا نغسلوها مزياان نغلفوها بابي المنيوم نحطوها ف الصينية وندخلها الفرن نخليوها طيب مزيان أنا خليتها ساعة تقريباً مرة مرة كنخشي فيها موس باش نشوف واش كملات طياب ملي طابت قسمتها ف الوسط وخديت ملعقة خويت ديك البطاطا وخليت شوية ف جناب باش تشد راسها،، وديك البطاطا ضفت ليها الطون،، شوية ملح ،، درة ،مايونيز ،وخلط كولشي رجعت الحشوة عمرت بها البطاطا ودرت فوقها جبن السندوتش إلى عندكم المحكوك أحسن أنا مكانش عندي ،ورجعتها الفرن حتى ساح الجبن وقدمتها سخونة .
ملاحضة : يمكن لكم ضيفو الجزر محكوك وكاشير، أنا مكيعجبنيش نضيفهم، نخليكم مع الصور لي كتوضح كولشي
نتمنى تعجبكم وتجربوها في أمان الله
↧
بطاطـــا فـــي الفـــرن محشـــوة بالطـــون لذيـــذ بـــزاف بـــزاف وتنفـــع وقـــت الحيـــرة
↧