المقادير :
الكيك :
3 بيضات + 1 كاس سنيدة + 1 كاس زيت ماعامرش مزيان + 1 كاس قهوة معصرة + 1 فاني + ملح + 2 معالق كبار كاكاو + 2 خمارات + دقيق حسب الخليط (يكون الخليط شوية جاري باش يجي الكيك رطب)
كنخدمو هاد العناصر مزيان و نصبوه ف لاطة مدهونة بالزبدة و مرشوشة بالدقيق و ندخلوها للفران طيب ملي نخرجوها نقطعوها بالكادر لي غادي نستعملوه فالمونطاج
الطبقة الثانية :
فمولينكس كنديرو : 2 ياغورت طبيعي + 1 كاس نيدو + 4 فرماجات مثلثين او مربعين + نصف كاس سنيدة + شوية فاني
كنخلطو كلشي مزيااان و نكبوه على الكيك
نشعلو الفران من الفوق و ندخلو الكيك باش الطبقة 2 تقبط راسها و نردو معاها البال باش ماتحمرش مرة مرة نمسو بالاصبع الى مالصقش فية الخليط يعني راه واجد
نخرجوه من الفران و نخليوه يبرد
المرحلة الاخيرة : كناخدو الغطايات ديال القراعي نستفوهم بشوية فوق الكيك و ناخدو كاوبيل نديروه فصفاية و نرشوه مزياان على الوجه
من بعد نزولو هادوك لغلايق بشوووووووية باش مانخسروش الديكور و نتكو عويدات ديال قرنفل وسط الدوائر البيضاء و ها الكيك واجد، بالصحة و الراحة
ملاحظة :
-يمكن تستعملو المول ديال الزاج و فهاد الحالة ملي يطيب الكيك نكبو علية الطبقة 2 مباشرة و نكملو التزيين فيه
– بالنسبة لعبار ما استعملتش كاس العنبة استعملت كاس اصغر منو شوية.
