كناخدو دجاجة كنقسموها على 4 تم كنرقدوها ف هاد المكونات : 2 معالق موطارد + شوية الملح بزار سكنجبير خرقوم + 2 ضرسات ديال تومة محكوكة + عصير نص حامضة + 4 معالق زيت الزيتون + معلقة صوص الصوجا + شوية الملون
تخلط هادشي مزياان و نتبل الدجاج و نخليه شوية يتشرب من بعد ندخلوه لفرن سخون من قبل و تكون العافية لفوق نوضعوه فوق الشبكة ديال الفرن و تحت منها لاطة باش ميتوسخش ليكم الفرن ملي يقطر الدجاج كما ف الصور ، و نخليوه و مرة مرة نقلبوه على الجهة التانية حتى يطيب.ونقدموه انا رافقتو مع الروز و البطاطس مقلية و الجزر و الخس ، غير جربوه را كيجي غزااال و بالصحة و الراحة.
