شوارما صنع منزلي تتجي روعة وحسن ألف مرة من ديال الزنقة

رابعة ديال صدر الدجاج مقطع نرطبوه في دانون مسوس مع معلقة كبيرة موطارد مع 2 معالق صغار عطرية الشاورما ”متواجدة عند العطار” شوية الملح و شوية الابزار و ضرس التومة محكوكة نخلطو مزيان هاد الشي ونخليوه أطول مدة من بعد نديرو الدجاج في مقلة مع شوية الزيت البلدية ونخليوه يطيب حتی ينشف مقادير الخبز العربي : 2 زلافات الطحين مع شوية الملح ومعلقة كبيرة الزيت البلدية مع معلقة صغيرة ديال الخميرة نعجنوها بالماء دافي ونديرو كويرات و نطيبوهم فحال البطبوط
الطريقة : من بعد خديت الخبز درت فيه الدجاج الخس ماطيشة مقطعة تكون مسقطرة مزيان البصلة مقطعة الكورنيشون مقطع الفرماج والزيتون مقطع وفي ليصوص درت صوص كيتشوب مخلطة مع الهريسة وصوص التومية فيها كأس حليب 2 فرماجات ملح ابزار معلقة كبيرة عصير حامض و شوية المعدنوس وضرس ديال التومة خلطت كلشي في مولينكس وحطيتو مع السندويش مني ندير كلشي في العيش تنلويه ونديرو في ماكينة البانيني وبالصحة والراحة.