الجنواز : 4 بيضات + 120غ سنيدة + 120غ دقيق + 1 ساشي ديال فاني + رأس ملعقة خميرة الحلوى هادي بالنسبة جنواز لونها كيجي بيض
أنا درت 2 جنواز الاولى بيضاء، والجنواز الثانية لونها كيجي أسود كنديرو نفس المقادير غير وكان فبلاصة فاني كنديرو 1 ملعقة كبيرة كاكاو أو كاوبيل
نديرو البيض و نطربوه على حمام مريم باش كيطلع البيض دغيا و الجنواز تجي مفشفشة، حتى ولى بحال الرغوة و نحيدوه من حمام مريم و منوقفوش تطراب يبرد شويا و نضيفو سنيدة شويا بشويا، نزيدو الدقيق و الخميرة ونضيفو شويا بشويا و نحركو بملعقة باش البيض لطلعناه مابطيحش لينا، نديرها فمول مدهونة بالزبدة و مرشوشة بالدقيق، و ندخلوها لفران طيب مزيان من الداخل ديالها، ونوجدو الجنواز بكاوبيل بنفس الطريقة، و حتى تبرد عاد نقسموها
مقادير كريمة الكيك :
250غ سنيدة + 250غ زبدة + 500 سل حليب + كاس زيت
طريقة تحضير كريمة الكيك :
نخلط زبدة و سكر حتى يولي عندي خليط ثقيل ومتماسك و نبقى نخلط بخلاط و نزيد مرة زيت مرة حليب حتى نسالي لكمية لي عندي، وها هي لكريمة واجدة و ندخلها لثلاجة تبرد
دابا نفزكو و نسقيو طرطات ديالنا بسيرو وندير فوق الطبقة كريم وحنا غاديين وفالاخير نغطيو كولشي بكريم و نزوقوها على حسب الرغبة
هاهي كيكة راس السنة
