كيكة بماء الزهر والمكسرات رائعة جدا وعمرها تحشمك

5 البيضات + 2 كيسان ونص طحين + 3 خميرات الحلوى + كاس سنيدة + ثلاث أرباع كاس زيت
ربع كاس ماء الزهر + كاس فيه الثلث ديال الزبيب والثلث اللوز والثلث ديال الكركاع
لتزيين : لوز وكركاع صحاح + لوز وكركاع مهرمش + عسل + سيرو
كنهرمشو اللوز والكركاع، وكنسخنوهم شوية في المقلاة، كنخلطو البيض والسنيدة ونزيدو السوائل، تم الدقيق مخلط مع الخميرة، وفي الاخير نديرو الفواكه الجافة طبعا الزبيب مقطع هو الاخر، ندهن المول بالزبدة ونرشه بالدقيق، ندخل كيك للفران
في هاد الوقت نوجدو السيرو كاس سنيدة ونص + كاس ماء ونص + كاس ماء الزهر
نديرو السنيدة والماء على نار مهيلة وحنا كنحركو مرة مرة حتى يوجد السيرو، نطفيو عليه ونزيدو عليه ماء الزهر، منين يطيب الكيك نخرجوه من الفران ، نغطسو اللوز والكركاع في السيرو ومن بعد في العسل، ونثقب الكيك بالسكين ثم نسقيه بشوية السيرو والعسل لي يقا، تم نزين الكيك.