كيكة ساهلة ورائعة جدا وكتجي على شكل بسبوسة

المقادير :
3 بيضات + 1 فاني + كأس صغير سنيدة + كأس صغير زيت + 2 كيسان طحين (عبرت بكأس دانون ) + حك دانون طبيعي + 2 خمارات

الطريقة :
خلطيها غير فالخلاط العادي ديري البيض + قبصة ملح + فاني + سنيدة + الزيت
خلطي مزيان حتى يترغوا الخليط، ثم زيدي دانون وخلطي حتى يتجانس الخليط، غربلي الطحين+ الخمارة وخلطي كلشي، صبي الخليط فمول مدهون و إلى الفرن يكون مسخن على 180 درجة
حضيها راه كطيب بسرعة منين تخرج من الفرن خليها تبرد وقلبيها دهنيها بالمربى ورشيها بأي حاجة عندك أنا رشيتها بالكوك قطعيها مربعات.