معكرونة بطريقة سريعة وساهلة والمذاق لا يقاوم

اليوم جبت ليكم طريقتي بالمعكرونة الساهلة الماهلة واللدة يا سلالالالالالالالالالالالام منقولش ليكم ما نطولش عليكم ونوريكم الطريقة بالخطوات وان شاء الله تنال اعجابكم

المقــــاديــــــر والطريــــــقــــــة
في طنجرة تديري الماء يغلي يعني عينك ميزانك فالماء يعني متعمريش الطنجرة كلها ومني تغلى تزيدي شوية زيت + ملح + ضامة البنة

مني تحسي بالمعكرونة قربت تطيب ديري حداك المقلة وشحري فيها كفتة ومع شوية الملح والابزار ومني تتشحر مزيان ديري فجوة فنصف المقلة وزيدي مطيشة الحك الكمية على حسب الحمورية المعكرونة كيف تبيغيها وكل ماكانت حمرة كل ماكانت احسن المهم تشحري ديك مطيشة الحك وخلطيها مع الكفتة دخليها مزيان فالكفتة والا كانت مطيشة لي تستعملي قوية ممكن تزيدي شوية الماء باش تخلط لك مزيان

صافي مني تشحر غتكون طابت المعكرونة خاصها تكون نشفات من الماء والا طابت ومنشفاتش نقصي الماء الزايد وتضيفي الكفتة فوق المعكرونة وتخلطي مزيان

نضيفوها ونخلطو مزيان ونخليوها شي 5 دقايق على نار هادئة تتشحر مع المعكرونة ومن تما قدميها بالطريقة لي تعجبك وان شاء الله تعجبكم طريقتي

ولي جربتها وعجبتها متنسانيش بشي دعيوة زوينة

وبالصــحـــــة والـــــراحـــــة